Kev ua tsaug tshoob ko.

              Hnub no kuv yuav coj nej mus kawm me ntsi txog kev ua tsaug tshoob ua tsaug ko nawb. Txawm hai tia sau ntau los tsi yog los nej ho txhob xav lis ca thiab, vim kuv tsua hnov lawv qhia lis no xwb. Yog neej leeg twg ho paub los ho nrog kuv kho thiab kom tsua muaj tshaj no lawm xwb.

              Kev ua tsaug tshoob ua tsaug ko muaj 2 nqe los yog 2 theem xwb lis hauv qab no:

1.    Yog niam txiv tog tom ub tuaj es niam txiv hauv tsev plua mov dej txiag, ces niam tsev nraug vauv yuav tau ua niam txiv neej nus tsaug. Ces yuav hail is no:

Ua tsaug mog txiv tuam mej koob lwm mej koob aus, luag hai tia niam txiv nyab muas neej nus noj tshoob ces taug tshoob kab hauv ko ces taug ko lw ua raw nraim lis liam lw txoj kab tshoob rhwv lw txoj kev ko aus, ua muaj kab muaj kev qa ncos to, niam txiv tom ub ces twb ua tsi muaj kab tsi muaj kev tuaj es, niam txiv tom no ces tuaj nyob tsawg hauv nyob tsawg hauv ces twb tuaj ua tsi tau niam txiv tom no poov xwb laus.

Niam txiv hauv tsev teb lis no:

  Txhob ua tsaug mog luag hai tia niam txiv tom ub nws tuaj ces nws noj tshoob taug tshoob qab hauv ko taug ko lw, ua rau nraim lis liaj lw txoj kab tshoob rwv lw lis txoj kev ko muaj niag liaj rau niag ncoog niag kab rau niag kev aus, luag tia ua muaj kab muaj kev qa ncos tuaj, niam txiv tom no ces twb ua tsi muaj kab tsi muaj kev to es, twb ua tsi tau niam txiv tom ub poov es txhob ua tsaug mog.

 Dhau no mus ces yog thaum noj tus npau lwm sim(nraug vauv tus tsiaj).

 Niam txiv hauv tsev ua niam txiv tom ub tsaug lis no:

        Ua tsaug mog mog txiv tuam mej koob lwm mej koob aus, luag hai tia niam txiv tom ub nws noj tshoob taug tshoob kab hauv ko taug ko lw, ua raw nraim lis liam lw txoj kab tshoob rhwv lw txoj kev ko, nws muaj niag liaj rau niag coog niag kab rau niag kev aus, ua muaj kab muaj kev a ncos tuaj, niam txiv tom no ces twb ua tsi muaj kab tsi muaj kev to es, niam txiv tom ub ces nri nqaij nri hno tuaj rau niam txiv tom no nyob tsawg noj nyob tsawg hauv es niam txiv tom ub tus siab no laiv mog.

        Niam txiv tom ub teb lis no:

        Txhob ua tsaug mog luag hai tia niam txiv nyob muaj nej nus aus, luag tia noj tshoob taug tshoob kab hauv ko taug ko lws, ua raw nraim lis txoj kab tshoob rwv lws txoj kev ko, nws muaj niag liag rau niag ncoog niag kab rau niag kev ua muaj kab muaj kev qa ncos to, niam txiv tom ub ces twb ua tsi muaj kab tsi muaj kev tuaj es twb ua tsi tau niam txiv tom no poov es txhob ua tsaug no laus.

2.    Nraug vauv thiab tus nus tij ,tub pphij laj thiab tus nu npaw yuav ua tsaug cuam qhua vauv ces hail is no:

Nus tij: Ua tsaug mog yawm yij aus, luag hai tia tsi ciaj cuam ces tsi sib hlub ciaj cuam ces yuav sib hlub, koj tau kuv tus nkauj tus muam mus, hnub qab nram hnub ntsi tuaj txog kuv vaj kuv tsev tsi los los kuv tseem yuav tus siab rau koj laiv.

              Thaum yuav rov los tsev ces tus nraug vauv yuav tau mus ua niam thiab txiv, tej neej tej nus lis nyiaj phij tsab nee phij cuam ces yuav hai lis no:

              Nraug vauv: ua tsaug mog txiv aus, luag hai tia neb tsi chawj cia lis, neb muab niaj phij tsab nee phij cuam rau wb coj mus chiv peev ua neej, wb coj mus wb txawj pug ces nej muaj plaub qaib yuav mus ciaj plaub npua, nej muab plaub npua ces yuav mus ciaj plaub nyug es, wb txawj pus ces wb tau, wb tsi txawj pu ces yuav plam niam txiv ib teg nqi es tseem yuav rov tuaj lauj niam lauj txiv no laus.

(ua tsaug rau nus tij nus npaw, niam ntxawm txiv ntxawm los hai ib yam lis no xwb.) ces koj npe lawv 2 pe xwb ces tau lawm.

   Sau los ntawm nraugseem khaubhlab.