DAB NEEG

              

              Tub ntsuag: Kuv tus me neeg zoo hnub no wb luj sij hawm tseem los tag lis no lawm xwb tiag2 los, pua yog hai tia kaj ntug rov tag ki ces kuv yuav tsi muaj koj lawm os.

Nkauj ntxawm: Ntuj os tus neeg kuv hlub txawm hai tia kaj ntug tag ki kuv yog luag tus lawm los tiam neej neeg no koj yuav yog tus kuv hlub thiab kuv nco mu sib sim xwb os mog.

 T: Kuv me neeg zoo ua ca wb xoj kev hlub thiaj lis los zoo lis no os, pua yog kuv lub neej txom nyem tsi zoo lis luag, es hnub no wb lub kua muag thiaj lis yuav tau poob lis no.

N: Tus neeg kuv hlub vim cov laus luag saib wb txoj kev hlub tsi muaj nqi, es luag thiaj lis muaj wb txoj kev hlub tsuj nti rau ntawm luag sib taw. Ta si thov kom koj nco ntsoov kuv cia nawb mog hai tia lub neej tiam no tseem kuv yuav mus rau sab ntuj ces teb twg lawm los, kuv txoj kev hlub nws yuav yog yog koj ib leeg lis, yuav tsi muaj leej twg los hloov tau koj ntawm kuv lis lawm os mog.

T: Kuv me neeg zoo es hnub no kuv tseem yuav swb koj rau luag lawm tiag2 los.

N:Tus me neeg kuv hlub yog hai tia kuv xaiv tau ces kuv yuav xaiv nrog koj nyob ua koj ib leeg tug mus ib txhi xwb os mog, ta si vim xaiv tsi tau es hnub no wb txoj kev hlub thiaj lis los sau lis no os mog.

T: Tushlub yog hai tia koj mus lawm no ces nco ntsoov nawb mog hai tia tiam no koj tau tso ib tug neeg rau tom qab es nws ua hnub ua hmo nco txog koj no nawb mog.

N: Kuv me neeg zoo tiam neej no kuv yuav nco koj ntsoo, yuav tsi muaj hnub ua hnov qab koj mus lis os, tiam neej no koj yuav nyob nrog nraim ntawm kuv lub me zaim muag, sawv nraim hauv kuv duab siab mus ib sim os mog. Koj nyob no ces ho nug kuv moo thiab nawb mog.

T: Ua lis os, koj mus los ho nug kuv moo thiab nawb, yog hai tia muaj ib hnub kuv nco2 koj es tsi muaj kuv lawm no ces koj ho tuaj saib kuv ua zaum kawg thiab nawb, vim hai tia tiam neej no kuv tsi paub yuav mus rau qhov twg lawm, thiab kuv tsi paub yuav mus pib kuv lub neej lis ca lawm os.

N: Yog hai tia muaj ib hnub koj ua lis ntawv lawm tiag no ces ua siab ntev nyob to kuv nawb mog, kuv mam lis tuaj nrog koj nyob ua koj luag os mog.

Kaj ntug rov tag ki pom luag tuaj hai zaj tshoob ua noj ua hau ntshoo ntshooj ntawm Nkauj ntxawm tsev,Tub ntsuag xav npaum lis ca los mob siab. Tub ntsuag thiaj lis xav twj ywm rau hauv siab hai tia” lub neej tiam no ntshe yuav tsi tau ntsib koj thiab hlub koj ib zaug ntxiv lawm os nkauj ntxawm tus neeg ua kuv hlub. Ntshe tiam no kuv yuav muab coj los nco ua tshai ua hmo lawm xwb os, tiam me neej no txoj kev hlub ntawm wb thiaj lis yuav dhau los ua ib txoj kev mob rau hauv kuv lub me nruab siab, es yuav yog thaum twg xyoo twg es mam lis tsi hnov mob lawm os, yog hai tia zoo lis hniaj hnub no xwb ces ntshe yuav tsi muaj hnub nws yuav zoo lawm, thaum kawg ces ntshe koj yuav tuaj pom tub ntsuag lis kuv no lub ces ntaj ntshug lawm xwb os mog.” Tub ntsuag thiaj lis tuaj saw pem nkauj ntxawm lawv tu laj kab saib tuaj rau pem nkauj ntxawm lawv tsev pom luag tuav nrawv nkauj ntxawm te, hauv lub me cawv saw kev lawm tiag2. pom nkauj ntxawm tej nraug nug tuaj hauv lub me caw zeem yawm yij yawm dab laug luag lis ntxi. Tub ntsuag thiaj lis ua ib siab tig rov los tsev nrog rau lub me kua muag.

Tub ntsuag lam los tsev lawm xwb zoo lis tus neeg twb tsi muaj txoj sia lawm, zoo yam lis tsob ntoo ua twb qhuav tag tsuav tsi vau vim tsi muaj dej tuaj yug tej me cav lawm, lam los nyob to seb hnub twg ntshaum kab rwg ma lis tuaj txos kom vau lawm xwb. Txij lis thaum nkauj ntxawm mus yuav txiv tag lawm ces tub ntsuag tsi xav ua dab tsi hniaj hnub hniaj hmo nyob nrog lub kua muag lawm xwb, muaj qeeb lub sij hawm ces zoo lis tus neeg ua tsi nco tom ntej tom qab lis lawm, zoo yav lis tus qaib tswv ua ncaj twg mus twg tsau ntuj twg pws twg, tsi paub rov qab los ntawm yus lub chaw lis lawm.

Dhau ntawv los tsi ntev xwb ces tub ntsuag thiaj lis muaj mob ua tsi muaj ib yam dab tsi yuav los kho tau lawm, thaum nkauj ntxawm paub hai tia tus ntsuag muaj mob hnav heev lawm nkauj ntxawm thiaj lis tuaj saib tub ntsuag dua ib zaug. Tub ntsuag thiaj lis hai tia:

T: nkauj ntxawm koj tuaj los, kuv twb xav hai tia lub neej tiam no kuv yuav tsi muaj hnub yuav tau ntsib koj lawm, no yog npaum suav los yog tiag os.

N: tub ntsuag no nws yog tiag2 os nws tsi yog npaum suav, koj tus nkauj ntxawm twb tuaj lawm os. Rua koj lub qhov muag los saib kuv ma.

Tub ntsuag thiaj lis rua tub ntsuag lub qhov muag los saib nkauj ntxawm thiab thiaj lis hai tia:

T: nkauj ntxawm yog hai tia muaj ib hnub tsi muaj kuv lawm no ces koj pab coj kuv mus nyob tom tus niam dej nyob puag tim lub nroob tsua tim nawb mog, vim hai tia kuv mus nyob tim es kuv thiaj lis pom koj tshua2 hnub os mog.

N: tub ntsuag koj txhob hai lis koj mam kuv siab tsi kheev lis os mog, kav tsij zoo los es ua tus dej yug kuv txoj sia mam, yog hai tia koj tsi zoo los lawm es kuv yuav ua ca ua neeg nyob mus os los, yog hai tia tsi muaj koj nyob hauv lub ntiaj teb no lawm ces lub ntiaj teb no nws tsi muaj ib yam dab tsi ua yuav zoo thiab kuv yuav xav nyob mus lawm os.

T: nkauj ntxawm hnub no koj twb mus muaj koj lub neej lawm es rau2 siab ua koj lub neej nawb mog, ib tug tub ntsoj tub ntsuag zoo lis kuv no xwb ces tseem nyob mus los tsua tshuav txoj kev mob thiab kuv tus siab lawm xwb os, fab lwm tiam yog hai tia muaj tiag lis hai no kuv mam lis thov los hlub koj thiab yuav tsi cia kom wb tau sib ncaim lis tiam no lawm os.

N: ntuj ne tub ntsuag yog hai tia hnub twg koj tso kuv nyob ib leeg hauv lub ntiaj teb no, tso tag nrho txoj kev mob rau kuv ib leeg xwb es kuv yuav ua ca nyob os, yog hai muaj ib hnub koj tso kuv tseg lis hai lawm ces hnub ntawv kuv los yuav nrog koj mus lawm thiab os, vim hai tia hniaj hnub no kuv lam mus ua neej xwb, kuv twb tsi muaj siab yuav los npaj lub neej lis os, hniaj hnub no kuv lam nyob ib hnub dhau in hnub xwb koj pua paub na.

T: nkauj ntxawm txhob hai lis koj mog hnub no koj muaj koj lub neej lawm ces koj yuav tau ua koj lub neej mus os mog, es ua ib siab txhob nco txog kuv lawm, cia kuv ib leeg nco koj xwb os mog, tseem hai kuv tuag mus lawm los, kuv yeej tseem yuav nco koj ntsoo thiab cim koj cia mus txog rau ntshwg yoog teb es kuv mam lis nyob rau txoj kev khaub lig to koj mog, to txog hnub ua koj tuaj txog es wb mam lis mus thawj dua thiab thov dua ntawv es kom fab lwm tiam wb tau los ua txij ua kawm os mog.

Tom qab tub ntsuag hai tag ces tub ntsuag thiaj lis ua ib siab qi lub qhov muag nrog rau txoj kev nco kev mob ncaim lub ntiaj teb no mus lawm. Vim hai tia tseem tub ntsuag nyob mus los yuav ua rau hniaj hnub hniaj hmo nco txog nkauj ntxawm xwb, yog lis ntawv tub ntsuag thiaj lis ua siab ncaim mus, ta si tseem tub ntsuag ncaim mus lawm los tub ntsuag yeej tseem nco ntsoov txog nkauj ntxawm yus tub ntsuag hlub.

Sau lis no lawm xwb.

Sau Npe lauj hmoob txoj kev ntshaw.

MOB SIAB VIM KOJ.

    Lub ncauj lam hai tia mus zoo koj nawb mog, yog hai tia tus txiv neej ntawv nws hlub koj tshaj kuv thiab nws ua rau tau txua yam tshaj kuv lawm ces koj mus cuag nws nawb mog.

              Ta si thaum koj kuv pom rai ruam nrug ntawm kuv mus deb lawm xuj zus hnov hauv kuv lub siab mob ncus tuaj lawm zuj zus. Ta si txhawm rau koj kuv yuav tsi pub kuv lub kua muag poob rau koj pom, txawm hai tia yuav mob kuv lub siab npaum lis ca los kuv yuav tau uv kom dhau ntawm koj thiaj lis yuav ua rau koj mus tau yav kaj siab lug thiab kuv yuav tsi pub koj txawj kuv ntxiv lawm os mog.

              Lub sij hawm 4 lub xyoo ua wb sib tham los no kuv yeej ua tsi yog qhov twg lawm, pua yog hai tia kuv yog ib tug hlub ua tsi zoo lis, es hnub no koj thiaj lis yuav ncaim ntawm kuv mus os. Kuv paub lawm os nawb vim txoj kev txom nyem kuv lub sij hawm muab rau koj thiaj lis tsi cuag luag, tub neeg txom nyem yuav tau khwv thiaj lis yuav tau noj yog hai tia tsi khwv los ntshai tsam koj tsi zoo lis luag, kuv mus khwv los tseg koj nyob ib leeg tsi muaj tus hlub thiab tus los saib xyuav koj es hnub no kuv thiaj lis ua tus zwb koj mus rau luag, kuv thiaj lis yuav tau ua ib siab es cia luag duas rhes koj ntawv ntawm kuv lub me xub ntiag musyav ua kuv hai tsi tau ib los. Tej zaum vim txoj kev kuv hlub koj dhau es thiaj lis tsi paub yuav chim rau koj dab tsau hai tau tia tus neeg kuv hlub mam lis mus zoo koj nawb mog.

              Yog hai tia muaj ib hnub koj tsi pom kuv lawm ces kojtsi txhob txawj txog kuv nawb mog, vim hai tia kuv yuav coj lub kua muag no mus zais cia tsi pub koj pom thiab kuv mam lis nyob deb2 foom los lus zoo rau koj lub neej xwb os mog. Peeb ua neeg nyob yog thaum koj pom tus neeg ua koj hlub nrog luag mus lawm tiag2 ces tseem koj tsi hai tawm los yeej paub zoo lawm hai tia hauv koj lub siab lub ntsw yeej mob thiab ncus nco lawm xwb, nyob hauv koj lub siab ces yeej tsi muaj ib yav dab tsi yuav los kho tau koj lub siab mob lawm os. Tseem hai tia kuv xav hu koj npaum lis ca los kuv yuav hu koj lub npe tsi tawm, tseem hai tia kuv xav kawm koj npaum lis cas los kuv yuav ncav tsi cuag koj lawm os mog. Qhov ua kuv ua tau ta sim no ces tsua thov kom koj mus ua lub neej tsav ntuaj nrhig nyob yav kaj siab lug mus ib txhi lawm xwb os mog tus neeg ua kuv hlub. Nyob lis ntawm kuv ces koj txhob txawj thiab txhob xav txog lawm , kuv yeej saib xyuav tau kuv tus kheej lawm os mog, rau2 siab mus ua koj lub neej lawm xwb txua yam ntawv wb ces nws tsua yog yaav dhau los lawm xwb.

              Kaj ntug rov tawm tuaj ces kuv thiab koj wb tsua yog nag hmo lawm xwb os mog, es cia kuv saib koj mus kom koj poj ntawm zaim muag, cia ntshia koj mus kom kawg txoj mes kev no tso es kuv mam lis ua ib siab xav hai tia ntawm kuv thiab koj ces nws tsua yog ib zaj npaum suav es rov tsim los xwb. Tus neeg kuv hlub lub sij hawm tseem kuv xav cheem koj npaum lis ca los ntshe kuv yauv tau ua ib siab lawm xwb os, vim hai tia tseem yuav cheem tau koj los ntshe koj yuav tsi muaj kev zoo siab thiab yuav ua tsi tau rau lub neeg caum cuag luag, yog hai tia muaj ib hnub lawm yav tom ntej es kuv muaj txoj peev tau kuv lub neej los zoo lis luag thaum ntawv seb wb pua yuav muaj txoj hmoo los ua poj cuag yawg cua lawm xwb os mog.

              Txij lis thaum koj ncaim kuv mus lawm ces kuv saib lub ntiaj teb no zoo yam lis tsii muaj qhov twg yuaav zoo, tsi muaj txoj kev cia siab nrog luag lis lawm. Kuv taug kev mus txog qhov twg los zoo lis pom koj ua zem zuag nyob rawv ntawm kuv lub me yeem muag xwb, hnov lub me suab noog quaj los kuv seev txog koj ib zaug, hnob lub suab na tse los kuv nco koj ib zaug, hnov lub suab cua tuaj los zoo lis kuv hnov koj lub suab luag nyob nrog nraim ntawm kuv ib sab, ntshe tiam neej no kuv yuav muab koj nco ua hnub tsua ua hmo lawm xwb os. Tus me neeg kuv hlub tiam neej no kuv yuav nco mus txog rau hnub twg es kuv mam lis hnov qab tua koj os, los yog hai tia tiam no kuv tsuav tshuav txoj me kev nco thiab txoj me kev tshua koj nrog kuv nyob thiab ua kuv luag lawm xwb. Txij hnub no mus ces kuv mus txog qhov twg los ntshe tsua pom kuv tus neev taw lawm xwb xwb, txij no mus ces ntshe koj tus neev taw ua ib txwm nyob nrog kuv tus nws yuav ploj pliag zoo yav lis ntws cua ua ntaus tuaj ib vuag dhau lawm xwb, ob tug neev taw no ces yuav dhau los ua yav tag thiab yuav dhau los ua ib zaj dab neeg nyob rau ntawm thaj me chaw no thiab rau ntawm kuv tus kheej lawm xwb os. Tej zaum ntawm kuv tus kheej thaj me chaw no yuav yog thaj chaw ua tsua thiab thaj chaw ua kuv muaj nyob nrog kuv lawm xwb os mog.